STOR IDRETTSHELG FOR AUSTEVOLL FRIIDRETT. HER ER RESULTATA FRÅ AUSTEVOLLSMESTERSKAPET, STOCKHOLM HALVMARATON, HARDANGERVIDDA MARATON, STRILAMAN SWIMRUN OG HAUGESUND TRIATLON
RESULTAT AUSTEVOLLSMEISTERSKAPET 30.08.2025Nærare 100 deltakarar deltok på Austevollsmeisterskapet.
Mange deltakarar i førskuleklassane, som sprang 40m. Flest var det likevel i rekruttklassane 6 – 10år. Desse kunne vera med på 40m, lengde og liten ball og dei aller fleste valde alle 3.
Nokre bilete frå rekruttklassane…
Lenger opp i årsklassane var det litt færre, men ein del fine resultat.
Aksel Haukanes Singdahlsen i fint driv…
Solfrid Waage Klawitter
Austevollsmeisterskapet er eit ope stemne der alle kan delta. Det var ein god del tilreisande frå andre klubbar og. Ikkje minst vart det ein fantastisk høgde konkurranse der Erlend Bolstad Raa, Fyllingen IL vann med 2.09. Han har ein pers på 2.21 og planen var å sletta onkel Gisle Ellingsen sin banerekord frå 1987 på 2.16 . Dessverre gjekk ikkje det denne gangen, men Erlend har lova å koma igjen og fiksa dette ein anna gang. Nr 2 vart Martin Hjertaker frå Os med 1.85.
Her ein filmsnutt frå siste hopp på 2.13, der han dessverre mislukkast etter eit fantastisk forsøk i hopp 2 på denne høgda.
Ein Del gamle, men spreke, veteraner var og med…
55-59 klassen Nr. 1 Hugo Jan Olsen, BFG Bergen Løpeklubb. Nr. 2 Eivind Møgster . 70-74 klassen nr.1 Svein Harald Haukanes, Austevoll IK nr.2 Gunnar Hauge, Eikanger IL
I linken under finn det alle resultat…
RESULTAT AUSTEVOLLSMEISTERSKAPET 30.08.2025
STOCKHOLM HALVMARATON
Nils Arne Hatlevik deltok i Stockholm halvmaraton laurdag, og fekk den glimrande tida 1.34.20, som var omlag 1,5 minutt fortare en målet. Eg ba Nils Arne senda meg ein rapport. Han skriv at dette var eit fantastisk arrangement. Rundt 20000 startande. Fristar til gjentaking….
Då tenkjer eg at me skal samla alle som likar å springa i Austevoll og ha Stockholm og Holmenkollstafetten som mål til neste år. Blir ei oppfylgjing på dette…
HARDANGERVIDDA MARATON
Andre Kvalem deltok i Hardanger Maraton på laurdag. På strava kan me sjå at han har tilbakelagt 43.44 km og forsert 1702 høgdemeter på 4.48.39.Han blei nr. 5 totalt. Fantastisk resultat!
STRILAMAN SWIMRUN
Tor-Harald Njåstad var med på Strilaman Swimrun på Glesvær i Øygaren på laurdag. Her symjer ein frå holme til holm og spring over holmane. Totalt ca 1000m i vatne og ca 5 km i terrenget. Her hadde han med ein partner som heite Rolf Kleppestø. Dei tok ein solid 12. plass på tida 1.01.44.5.
HAUGESUND TRIATLON
Tor-Harald var ikkje nøgd med å slita seg ut på laurdag, så han reiste vidare til Haugesund Triatlon på Søndag. Symjing ca 700, sykling 20km og 5 km løp. 16. plass I.23.58.4. Solide resultat!
Me vonar at folk lar seg inspirera og melder seg på i treningsgruppene til Austevoll friidrett…her er link der ein kan melda seg på i dei forskjellege gruppene…
PS. EG ER PÅ JAKT ETTTER FLEIRE BILETER FRÅ AUSTEVOLLSMEISTERSKAPET. FINT OM DE SENDER DESSE TIL SVEIN H, 90165709. VIL LAGA EIN BILDEMONTASJE…